Alonso, lamtumirë kombëtares pas Botërorit

0
0

Sipas të përditshmes sportive “Marca”, 32-vjeçari së shpejti do ta bëjë të ditur vendimin e tij për t’u përqendruar tërësisht te Reali i Madridit.

Gjithnjë referuar gazetës spanjolle, këtë vendim Alonso e ka marrë qysh para Botërorit “Brazil 2014”.

Menjëherë pas eliminimit nga Kili në Kupën e Botës, mesfushori deklaroi se “La Roja”-s i mungoi dëshira për sukses. Por ai i ka zbutur këto akuza duke shpjeguar: “Kur fola për mungesë dëshire nuk e kisha fjalën për mungesë impenjimi apo për një grup të përçarë, por për faktin që nuk e kishim intensitetin e nevojshëm në këtë fazë finale”.

Ndërkaq, sipas “Marca”-s, trajneri Visente del Boske do të vazhdojë ta drejtojë Spanjën edhe në Kampionatin Evropian të vitit 2016.

E.B/

ASNJË KOMENT

PËRGJIGJUNI